ព័ត៌មាន និង ព្រឹត្តិការណ៍

ប៉េង ហួត គ្រុប សហការជាមួយមន្ទីរបរិស្ថាន និងសហគមន៍នេសាទភូមិកែប រៀបចំកម្មវិធី CSR ដាំកូនកោងកាងចំនួន ៥.០០០ដើម ក្រោមប្រធានបទ “ឬសនៃនិរន្តភាព” នាព្រឹកថ្ងៃទី២០ ខែមិថុនា ឆ្នាំ២០២៥ ស្ថិតនៅសហគមន៍នេសាទភូមិកែប សង្កាត់កែប ក្រុងកែប ខេត្តកែប ដែលមានសហការី ប៉េង ហួត គ្រុប មន្រ្តីបរិស្ថាន និងបងប្អូនប្រជាសហគមន៍នេសាទភូមិកែបសរុបប្រមាណជាង ១០០នាក់ ចូលរួម។

កម្មវិធីដាំដើមកោងកាងនេះគឺជាចំណែកមួយនៃក្របខណ្ឌយុទ្ធសាស្រ្ដការងារសង្គមរបស់ ប៉េង ហួត គ្រុប ពោលគឺ៖ <<ការអប់រំ បរិស្ថាន សង្គម>> គោលបំណងនៃកម្មវីធីបរិស្ថាននេះ គឺជាការលើកកម្ពស់និរន្តរភាពបៃតង ការអភិរក្សប្រព័ន្ធអេកូឡូស៊ីព្រៃកោងកាង និងដើម្បីឆ្លើយតបទៅនឹងបញ្ហាបម្រែបម្រួលអាកាសធាតុ ខណៈបច្ចុប្បន្ននេះពិភពលោកកំពុងតែប្រឈមការកើនឡើងកម្ដៅ។ ជាមួយគ្នានេះក៏ជាការចូលរួមលើកកម្ពស់ទាំងសេដ្ឋកិច្ចសហគមន៍ និងតំបន់ទេសចរណ៍នៅក្នុងភូមិសាស្រ្តខេត្តកែបផងដែរ។