ប្រធានក្រុមប្រ៊ែនឌីង

1. វិសាលភាពការងារ:

ប្រធានក្រុមប្រ៊ែនឌីង : មានទំនួលខុសត្រូវក្នុងការជួយរៀបចំយុទ្ធសាស្រ្តផ្សព្វផ្សាយម៉ាកយីហោ បង្កើន និងពង្រីកម៉ាកយីហោក្នុងទីផ្សារ។ អនុវត្តផែនការផ្សព្វផ្សាយ រចនាសម្ភារៈ ឬផលិតផលរបស់ក្រុមហ៊ុនឲ្យមានភាពសមស្របជាមួយម៉ាកយីហោ។

2. កាតព្វកិច្ច និងទំនួលខុសត្រូវការងារ:

  • ផ្តើមគំនិតក្នុងការផ្សព្វផ្សាយម៉ាកយីហោ ដោយស្របទៅតាមគោលការណ៍ដែលបានរៀបចំ
  • ផ្តល់មតិយោបល់ពីមធ្យោបាយក្នុងការផ្សព្វផ្សាយតាមបែបឌីជីថល និងយុទ្ធនាការ ដើម្បីផ្សព្វផ្សាយអំពីម៉ាកយីហោ
  • បង្កើតអត្តសញ្ញាណម៉ាកយីហោ និងប្រាកដថាការអនុវត្តមានភាពស្របគ្នា
  • បង្កើត និងណែនាំនូវគំនិតច្នៃប្រឌិតថ្មី ដើម្បីជម្រុញការទំនាក់ទំនង និងការប្រើប្រាស់ម៉ាកយីហោមានភាពស្របគ្នា
  • អភិវឌ្ឍផែនការម៉ាកយីហោ និងរៀបចំថវិកាចំណាយ

3. លក្ខខណ្ឌ និងតម្រូវការការងារ:

  • បរិញ្ញាប័ត្រក្នុងជំនាញទីផ្សារ ឬជំនាញដែលពាក់ព័ន្ធ
  • ត្រូវមានបទពិសោធន៍យ៉ាងតិច៣ឆ្នាំ ក្នុងផ្នែកទីផ្សារ ឬរចនា ឬការផ្សព្វផ្សាយ
  • មានភាពស្ទាត់ជំនាញក្នុងផ្នែកម៉ាកយីហោ ឬទីផ្សារ ឬ ការរចនា
  • មានបទពិសោធន៍ជាមួយនឹងការរចនា Logo អក្សរ ពណ៌ ការរចនាគេហទំព័រ ការបោះពុម្ព ការថតរូប និងការងារដែលពាក់ព័ន្ធ
  • អាចប្រើប្រាស់ InDesign, Photoshop និង Illustrator
  • ពូកែក្នុងការទំនាក់ទំនង និងជំនាញធ្វើបទបង្ហាញ
  • ស្ទាត់ជំនាញក្នុងការសរសេរ និងនិយាយភាសាអង់គ្លេស

4. ម៉ោង និងពេលធ្វើការ:

  • ពីថ្ងៃ ចន្ទ ដល់ ព្រឹកថ្ងៃ សៅរ៍: ម៉ោង ០៨:០០ ព្រឹក ដល់ ម៉ោង ១២:០០ ថ្ងៃត្រង់ និង ម៉ោង ០១:០០ រសៀល ដល់ ម៉ោង ០៥:០០ រសៀល
  • សម្រាកអាហារថ្ងៃត្រង់ ម៉ោង ១២:០០ ថ្ងៃត្រង់ ដល់ ម៉ោង ០១:០០ រសៀល

5. កន្លែងការងារ:

ប្រធានក្រុមប្រ៊ែនឌីង មានទីតាំងបម្រើការងារនៅការិយាល័យ ប៉េង ហួត គ្រុប នាយកដ្ឋានម៉ាកយីហោ។

6. ទំនាក់ទំនងការងារ

ប្រធានក្រុមប្រ៊ែនឌីង ស្ថិតនៅក្រោមការគ្រប់គ្រង និង តម្រូវអោយរាយការណ៍ដោយផ្ទាល់​ទៅ​កាន់អគ្គនាយិកា។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត (4×6) រួមទាំងឯកសារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖

ជំនួយការនាយិការរងផ្នែកបញ្ជាទិញ

1. វិសាលភាពការងារ:

  • គោរពតាមគោលនយោបាយ និងនិតិវិធីនៃផ្នែកបញ្ជាទិញ
  • រៀបចំ និងចាត់ចែងប្រតិបត្តិការការបញ្ជាទិញទៅតាមការងារដែលបានផ្ដល់ជូន
  • ស្វែងរកអ្នកផ្គត់ផ្គង់ថ្មីៗ និងចូលរួមក្នុងដំណើរការនៃការកំណត់គុណភាព
  • ចចារតម្លៃក្នុងការបញ្ជាទិញ និងលក្ខខណ្ឌនៃការដឹកជញ្ជូនដើម្បីធានាថាក្រុមហ៊ុនទទួលបានតម្លៃល្អបំផុត
  • ធ្វើការវិភាគ​ សិក្សា និងប្រៀបធៀបតម្លៃរបស់ភាគីផ្គត់ផ្គង់ទាំងអស់
  • ទុកដាក់ឯកសារសំខាន់ៗដូចជាQuote, RFP/RFI និងឯកសារផ្សេងៗទៀតអោយបានត្រឹមត្រូវ
  • សម្របសម្រួល និងទទួលខុសត្រូវលើការបញ្ជាទិញ និងរយៈពេលនៃការដឹកជញ្ជូនទំនិញ
  • ធានាថាឯកសារវិភាគទិន្នន័យ និងព៍ត៌មានផ្សេងៗមានភាពត្រឹមត្រូវ
  • ការងារផ្សេងៗទៀតដែលចាត់តាំងដោយថ្នាក់លើ

2. កាតព្វកិច្ច និងទំនួលខុសត្រូវការងារ:

  • ស្វែងរកផលិតផលថ្មីៗ ឬស្វែងរកដៃគូរផ្គត់ផ្គង់ថ្មីបន្ថែមដើម្បីទទួលបានលក្ខខណ្ឌបញ្ជាទិញកាន់តែប្រសើរជាងដៃគូរផ្គត់ផ្គង់ដែលមានស្រាប់
  • ត្រួតពិនិត្យសំណើរ លក្ខខណ្ឌ និងការបញ្ជាទិញដើម្បីធានានូវភាពត្រឹមត្រូវ និងស្របទៅតាមគោលការណ៏ លក្ខខណ្ធ និងនិតិវិធីនៃផ្នែកបញ្ជាទិញ
  • ពិនិត្យនិងធានាថាឯកសារទាំងអស់មានភាពត្រឹមត្រូវ និងត្រូវកែតម្រូវភ្លាមករណីមានកំហុស
  • ធានាថារាល់ឯកសារទាំងអស់ត្រូវបានទុកដាក់ត្រឹមត្រូវនិងមានសណ្ដាប់ធ្នាប់
  • រៀបចំរបាយការណ៏អោយបានទាន់ពេលតាមការចាត់តាំងរបស់ថ្នាក់លើ

3. លក្ខខណ្ឌ និងតម្រូវការការងារ:

  • ជាបុគ្គលឆ្នើម មានភាពឆ្នៃប្រឌិត និងអាចទំនាក់ទំនងជាមួយភាគីពាក់ព័ន្ធគ្រប់កម្រិតប្រកបដោយប្រសិទ្ធិភាព
  • ជាបុគ្គលដែលពូកែវិភាគ ចចារ និងលម្អិត
  • យល់ច្បាសពីគោលការបញ្ជាទិញ និងការដឹកជញ្ជូន
  • INCOTERM
  • Ms. Office, Excel, Power Point និងOutlook
  • អាចប្រើប្រាស់ភាសារអង់គ្លេសបានស្ទាត់ជំនាញទាំងការនិយាយ​ និងសរសេរ

4. ម៉ោង និងពេលធ្វើការ:

  • ថ្ងៃច័ន្ទ ដល់ ថ្ងៃសៅរ៍(ព្រឹក) : ពីម៉ោង 8:00 ព្រឹក ដល់ 12:00 ថ្ងៃត្រង់ និង ម៉ោង  ១:០០ រសៀល ដល់ ៥:០០ ល្ងាច
  • ម៉ោងសម្រាកអាហារ: ម៉ោង ១២:០០​ថ្ងៃត្រង់ ដល់ ម៉ោង ១:០០រសៀល

5. កន្លែងការងារ:

  • ជំនួយការនាយិការងផ្នែកបញ្ជាទិញធ្វើការនៅការិយាល័យ ប៉េង ហួត គ្រុប ស្ថិតក្នុងនាយកដ្ឋានបញ្ជាទិញ។

6. ទំនាក់ទំនងការងារ

  • ក្នុងក្រុមហ៊ុន

រក្សារទំនាក់ទំនងល្អជាមួយក្រុមការងារផ្នែកបញ្ជាទិញ និងនាយកដ្ឋានដទៃទៀត រួមទាំងភ្ញៀវ និងអ្នកដែលមានសិទ្ធិលើការសម្រេចចិត្ត។

  • ក្រៅក្រុមហ៊ុន

រក្សារទំនាក់ទំនងជាមួយអតិថិជន និងភាគីផ្គត់ផ្គង់អោយបានល្អប្រកបដោយវិជ្ជាជីវៈការងារ។

ប្រធានក្រុមប្រតិបត្តិ

1. វិសាលភាពការងារ:

ប្រធានក្រុមប្រតិបត្តិ មានទំនួលខុសត្រូវក្នុងការត្រួតពិនិត្យមើលលើប្រតិបត្តិការរបស់កម្មវិធីទាំងមូល ដើម្បីធានាថារាល់ស្តង់ដារសេវាកម្ម គោលការណ៍ និងនីតិវិធីរបស់ផ្នែកប្រតិបត្តិ ត្រូវបានធ្វើឡើងស្របទៅតាមការកំណត់របស់ថ្នាក់គ្រប់គ្រង ដើម្បីរក្សា និងអភិវឌ្ឍកម្រិតសេវាកម្មល្អបំផុតដែលលើសពីការរំពឹងទុករបស់អតិថិជន។

2. កាតព្វកិច្ច និងទំនួលខុសត្រូវការងារ:

  • រៀបចំ និងអនុវត្តស្តង់ដារសេវាកម្ម ដោយស្របតាមនីតិវិធីនៃប្រតិបត្តិការសេវាកម្មម្ហូបអាហារ និងភេសជ្ជៈដែលបានកំណត់។
  • ធានាថារាល់តម្រូវការ និងការចង់បានរបស់អតិថិជនត្រូវបានផ្តល់ជូនយ៉ាងល្អឥតខ្ចោះ។
  • សម្របសម្រួល និងដោះស្រាយរាល់បញ្ហាដែលកើតមានឡើងអោយបានឆាប់រហ័ស និងមានប្រសិទ្ធភាពខ្ពស់ ជូនដល់អតិថិជន និងក្រុមការងារទាំងអស់។
  • ត្រួតពិនិត្យ និងបែងចែកទំនួលខុសត្រូវការងារទៅតាមមុខងារនៃតម្រូវការរបស់កម្មវិធីដល់ក្រុមការងារ ហើយប្រាកដថាការរៀបចំ គឺត្រូវបានអនុវត្តទៅតាមផែនការ និងពេលវេលាកំណត់។
  • ធ្វើការបណ្តុះបណ្តាលក្រុមការងារ អោយយល់ដឹងអំពីដំណើរការ និងនីតិវិធីនៃប្រតិបត្តិការ និងការផ្តល់សេវាកម្មដែលលើសពីការរំពឹងទុកជូនអតិថិជន ប្រកបដោយភាពត្រឹមត្រូវ និងព័ត៌មានច្បាស់លាស់។
  • ណែនាំ និងបង្ហាត់បង្ហាញដល់បុគ្គលិកសេវាកម្មទាំងអស់លើការរៀបចំ តុ កៅអី និងការកំណត់ទីកន្លែងសម្រាប់កម្មវិធីនីមួយៗ ដោយមានការត្រួតពិនិត្យមុខងារនៃការរៀបចំផ្សេងៗទាំងក្នុងអគារ និងសេវាកម្មខាងក្រៅ។
  • ទទួលខុសត្រូវក្នុងការរៀបចំទីតាំងកម្មវិធី ប្រកបដោយភាពទាក់ទាញ និងមានភាពងាយស្រួលក្នុងការបង្ហាញ ឬផ្តល់ជូននូវមុខម្ហូបដល់អតិថិជន។
  • ត្រួតពិនិត្យ និងប្រាដកថាចំនួននៃការប្រើប្រាស់ភេសជ្ជៈ  តុ ម្ហូបអាហារ និងសេវាកម្មផ្សេងៗ ត្រូវបានកត់ត្រា និងមានការចុះហត្ថលេខាទទួលស្គាល់ពីម្ចាស់កម្មវិធីច្បាស់លាស់ ដើម្បីប្រគល់ជូនផ្នែកបេឡា ក្នុងការគណនាចេញវិក័យបត្រជូនដល់អតិថិជន។
  • ធានាថារាល់សម្ភារៈប្រើប្រាស់ គ្រៀងបរិក្ខារ និងសម្ភារៈផ្សេងៗសម្រាប់ការរៀបចំកម្មវិធីមានគ្រប់ចំនួនកំណត់ស្របតាមតម្រូវការរបស់កម្មវិធី។
  • រៀបចំ និងសម្រប់សម្រួលលើការដឹកជញ្ជូនភេសជ្ជៈ ម្ហូបអាហារ និងសម្ភារៈផ្តត់ផ្គងផ្សេងៗសម្រាប់ប្រើប្រាស់ក្នុងការរៀបចំកម្មវិធីខាងក្រៅ មានគ្រប់គ្រាន់ និងទាន់ពេលវេលា។
  • ការងារផ្សេងៗ ដែលថ្នាក់គ្រប់គ្រងផ្តល់អោយ។

3. លក្ខខណ្ឌ និងតម្រូវការការងារ:

  • បរិញ្ញាបត្រផ្នែកគ្រប់គ្រងបដិសណ្ឋារកិច្ច ការគ្រប់គ្រងអាជីវកម្ម ឬជំនាញដែលពាក់ព័ន្ធផ្សេងទៀត
  • មានបទពិសោធន៍ការងារចាប់ពី៤ឆ្នាំឡើងខាងផ្នែកប្រតិបត្តិសណ្ឋាគា ឬសាលអាគារការ
  • ជំនាញកុំព្យូទ័រ កម្មវិធី Ms. Word, Excel និង Power Point
  • ជំនាញក្នុងការគ្រប់គ្រងជម្លោះ ការដោះស្រាយបញ្ហា និងការចរចារ
  • ការនិយាយស្តីល្អ ភាពជាអ្នកដឹកនាំ ស្មោះត្រង់ និងមានឆន្ទៈធ្វើការជាក្រុម
  • មានជំនាញក្នុងការសរសេរ និងទំនាក់ទំនងជាភាសាអង់គ្លេស

4. ម៉ោង និងពេលធ្វើការ:

  • ថ្ងៃច័ន្ទ ដល់ថ្ងៃអាទិត្យ ដោយមានការឈប់សម្រាក១ថ្ងៃក្នុងមួយសប្តាហ៍: ម៉ោង ៨ :០០ព្រឹក ដល់ម៉ោង ១២:០០​ថ្ងៃត្រង់ និងម៉ោង ១:០០រសៀល ដល់ម៉ោង៥:០០ល្ងាច
  • ម៉ោងសម្រាក: ម៉ោង ១២:០០​ថ្ងៃត្រង់ ដល់ ម៉ោង ១:០០រសៀល

5. កន្លែងការងារ:

ប្រធានក្រុមប្រតិបត្តិ ធ្វើការនៅការិយាល័យ ភីអេច ហ្រេ្គនហល ស្ថិតក្នុងនាយកដ្ឋានប្រតិបត្តិ។

6. ទំនាក់ទំនងការងារ

ប្រធានក្រុមប្រតិបត្តិ ស្ថិតក្រោមការងារគ្រប់គ្រង និងរាយការណ៍ការងារជូនទៅប្រធានក្រុមប្រតិបត្តិជាន់ខ្ពស់។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត (4×6) រួមទាំងឯកសារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖

ជំនួយការអគ្គនាយិការង

1. វិសាលភាពការងារ:

ជំនួយការអគ្គនាយិការង មានទំនួលខុសត្រូវក្នុងការបំពេញការងាររដ្ឋបាលជាច្រើន ដើម្បីកាត់បន្ថយការងារសម្រាប់អគ្គនាយិការង ដោយរួមបញ្ចូលទាំងការសម្របសម្រួល និងការអនុវត្តនីតិវិធីការិយាល័យ។ ការងារភាគច្រើនពាក់ព័ន្ធនឹងការទំនាក់ទំនងជាលាយលក្ខណ៍អក្សរ និងផ្ទាល់មាត់។ បន្ថែមពីលើនេះ ជំនួយការអគ្គនាយិការងអាចនឹងត្រូវពិនិត្យលើរបាយការណ៍មួយចំនួនសម្រាប់អគ្គនាយិការង ក៏ដូចជាអនុវត្តភារកិច្ចពាក់ព័ន្ធដូចដែលបានត្រួតពិនិត្យ។

2. កាតព្វកិច្ច និងទំនួលខុសត្រូវការងារ:

  • ពិនិត្យលើរបាយការណ៍ និងកិច្ចព្រមព្រៀងមួយចំនួន ដែលកំណត់ដោយអគ្គនាយិការង ដើម្បីធានាបាននូវភាពត្រឹមត្រូវ ក៏ដូចជាការអនុលោមតាមគោលការណ៍របស់ក្រុមហ៊ុន និងការកំណត់សិទ្ធិ។
  • រៀបចំការធ្វើដំណើរសម្រាប់អគ្គនាយិការង រួមទាំងការកក់សំបុត្រយន្តហោះ សណ្ឋាគារ និងការដឹកជញ្ជូន។
  • តំណាងអោយអគ្គនាយិការងក្នុងការទំនាក់ទំនង​ និងឆ្លើយតបរាល់ព័ត៌មានផ្សេងៗជាមួយដៃគូខាងក្រៅ។
  • ទំនាក់ទំនងជាមួយបុគ្គលិកនៅក្នុងនាយកដ្ឋានផ្សេងៗ ដើម្បីរៀបចំរបាយការណ៍សម្រាប់អគ្គនាយិការង និងសម្របសម្រួលការទំនាក់ទំនងជាមួយដៃគូពាក់ព័ន្ធខាងក្រៅ។
  • រៀបចំលិខិតប្រកាសព័ត៌មាន និងលិខិតផ្លូវការផ្សេងៗសម្រាប់អគ្គនាយិការង។
  • បកប្រែឯកសារជាភាសាអង់គ្លេសទៅជាភាសាខ្មែរ និងបកប្រែជូនអគ្គនាយិការងប្រសិនបើចាំបាច់។
  • រៀបចំទុកដាក់ឯកសារ និងគ្រប់គ្រងឯកសារសម្ងាត់របស់អគ្គនាយិកា។
  • គ្រប់គ្រងថវិកា ធ្វើវិក្កយបត្រ និងកត់ត្រាការចំណាយ។
  • រៀបចំកិច្ចប្រជុំ ធ្វើកំណត់ហេតុ និងផ្សព្វផ្សាយដល់ផ្នែកពាក់ព័ន្ធ។
  • កត់ត្រាកាលវិភាគប្រជុំ និងការអញ្ជើញទាំងអស់របស់អគ្គនាយិការងក្នុងប្រតិទិន ហើយជូនដំណឹងមុនពេលវេលាកំណត់សម្រាប់កាលវិភាគនីមួយៗ ។
  • ការងារផ្សេងៗ ដែលថ្នាក់គ្រប់គ្រងផ្តល់អោយ។

3. លក្ខខណ្ឌ និងតម្រូវការការងារ:

  • បញ្ចប់បរិញ្ញាបត្រផ្នែកគ្រប់គ្រងពាណិជ្ជកម្ម ទំនាក់ទំនងសាធារណៈ  និងជំនាញពាក់ព័ន្ធផ្សេងទៀត
  • មានបទពិសោធន៍ចាប់ពី៣ឆ្នាំឡើងទៅក្នុងនាមជាលេខា ឬជំនួយការអគ្គនាយក
  • មានបុគ្គលិកលក្ខណៈល្អ និងរួសរាយរាក់ទាក់
  • ជំនាញក្នុងការទំនាក់ទំនង ការរៀបចំខ្លួន និងការចរចា
  • អាចប្រើប្រាស់ភាសាអង់គ្លេសបានល្អ ឬភាសាផ្សេងៗទៀត
  • អាចប្រើប្រាស់កុំព្យូទ័របាន

4. ម៉ោង និងពេលធ្វើការ:

  • ថ្ងៃច័ន្ទ ដល់ថ្ងៃសៅរ៏ (ព្រឹក): ម៉ោង ៨ :០០ព្រឹក ដល់ម៉ោង ១២:០០​ថ្ងៃត្រង់ និង ម៉ោង ១:០០រសៀល ដល់ម៉ោង៥:០០ល្ងាច
  • ម៉ោងសម្រាក: ម៉ោង ១២:០០​ថ្ងៃត្រង់ ដល់ ម៉ោង ១:០០រសៀល

5. កន្លែងការងារ:

ជំនួយការអគ្គនាយិការង ធ្វើការនៅការិយាល័យ ប៉េង ហួត គ្រុប ស្ថិតក្នុងនាយកដ្ឋានលេខា/ជំនួយការថ្នាក់ដឹកនាំជាន់ខ្ពស់។

6. ទំនាក់ទំនងការងារ

ជំនួយការអគ្គនាយិការង ស្ថិតក្រោមការងារគ្រប់គ្រង និងរាយការណ៍ការងារជូនទៅអគ្គនាយិការង។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត (4×6) រួមទាំងឯកសារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖

ប្រធានក្រុមលក់

1. វិសាលភាពការងារ:

ប្រធានក្រុមលក់ មានតួនាទីក្នុងការដឹកនាំ និងត្រួតពិនិត្យបុគ្គលិកដែលចូលរួមក្នុងការលក់ ហើយតាមដានរាល់សកម្មភាពក្នុងការលក់ ដើម្បីធានាថាអតិថិជនពេញចិត្តលើការរៀបចំ និងសេវាកម្មរបស់សាលសន្និបាត ភីអេច ហ្រេ្គន ដែលលើសពីការរំពឹងទុកទាំងមុខ និងក្រោយកម្មវិធី។

2. កាតព្វកិច្ច និងទំនួលខុសត្រូវការងារ:

  • រៀបចំផែនការយុទ្ធសាស្រ្តលក់ ដើម្បីជម្រុញចំណូលក់របស់សាលសន្និបាត ភីអេច ហ្រេ្គនហល
  • ដឹកនាំក្រុមការងារផ្នែកលក់ ដើម្បីរៀបចំសកម្មលក់ និងការបង្កើតទំនាក់ទំនាក់ទំនងយូរអង្វែងជាមួយអតិថិជន ដោយផ្អែកលើការផ្តល់នូវសេវាកម្ម និងតម្លៃណាមួយដែលសមស្របនឹងតម្រូវការរបស់អតិថិជន
  • រក្សាទំនាក់ទំនង និងធ្វើជាគំរូដោយប្រកាន់ភ្ជាប់នូវអាកប្បកិរិយាប្រកបដោយវិជ្ជាជីវៈ ទាំងការរៀបចំខ្លួន ការនិយាយ និងភាពរួសរាយរាក់ទាក់ជាមួយអតិថិជន ក្រុមការងារ និងផ្នែកពាក់ព័ន្ធ ដោយមានការឆ្លើយតបទាន់ពេលវេលារាល់តំរូវការរបស់អតិថិជន និងផ្នែកពាក់ព័ន្ធ
  • សហការជាមួយថ្នាក់គ្រប់គ្រងក្នុងការរៀបចំ និងកំណត់នូវប្រភពប្រាក់ចំណូល អតិថិជនគោលដៅ និងចំណែកទីផ្សារសម្រាប់ការលក់នូវផលិតផលរបស់ក្រុមហ៊ុន
  • គ្រប់គ្រង និងបណ្តុះបណ្តាលបុគ្គលិកផ្នែកលក់ ដើម្បីធានាបាននូវប្រាក់ចំណូលលក់អតិបរមា ការផ្សព្វផ្សាយទៅកាន់អតិថិជន និងការប្រកួតប្រជែងលើទីផ្សារ
  • ធានាថាគ្រប់បុគ្គលិកលក់ទាំងអស់បានយល់ដឹងអំពីយុទ្ធសាស្រ្តនៃការលក់ និងអនុវត្តប្រកបដោយប្រសិទ្ធភាពខ្ពស់
  • ធ្វើការវិភាគ និងជម្រុញលើការចូលរួមរបស់សាលសន្និបាត ភីអេច ហ្រេ្គនហលនៅក្នុងបណ្តាញលក់ផ្សេងៗ ការធ្វើទីផ្សារ និងការកក់កម្មវិធីតាមរយៈប្រព័ន្ធអេឡិចត្រូនិច
  • ធ្វើបច្ចុប្បន្នភាព និងតាមដានរាល់ប្រតិបត្តិការលក់ប្រចាំថ្ងៃ ដើម្បីស្វែងរកនូវកង្វះខាត និងការដោះស្រាយភ្លាមៗស្របតាមនីតិវីធីលក់របស់ក្រុមហ៊ុន
  • ធ្វើការសហការ និងរក្សានូវទំនាក់ទំនងល្អជាមួយអាជ្ញាធរ និងវិស័យឯកជន ដើម្បីជាកិច្ចសហការក្នុងការផ្តល់ជូននូវលក្ខខណ្ឌពិសេសៗ សម្រាប់ដំណើរការនៃការរៀបចំកម្មវិធីផ្សេងៗដែលអាចកើតមានក្នុងកំឡុងពេលខែមិនសូវមានប្រារព្ធកម្មវិធី
  • ត្រួតពិនិត្យលើកិច្ចសន្យាជួល របាយការណ៍មុខងារនៃកម្មកម្មវិធី និងរបាយការណ៍លក់ផ្សេងៗ
  • ការងារផ្សេងៗទៀតដែលចាត់ចែងដោយអ្នកគ្រប់គ្រង។

3. លក្ខខណ្ឌ និងតម្រូវការការងារ:

  • បញ្ចប់បរិញ្ញាបត្រផ្នែកគ្រប់គ្រងពាណិជ្ជកម្ម ,ទីផ្សារ, សណ្ឋាគារ, និងការគ្រប់គ្រងភោជនីយដ្ឋាន
  • មានបទពិសោធន៍ចាប់ពី4ឆ្នាំឡើងទៅក្នុងផ្នែកលក់ ឬផ្នែកដែលពាក់ព័ន្ធ។
  • មានជំនាញក្នុងការលក់ជាកញ្ចប់សេវាកម្ម Banquet បត់បែន និងមានភាពស្មោះត្រង់
  • ជំនាញក្នុងការទំនាក់ទំនង ការរៀបចំខ្លួន និងការចរចា
  • ភាពជាអ្នកដឹកនាំ ការសហការជាក្រុម និងការបើកចិត្តិទូលាយ
  • អាចប្រើប្រាស់ភាសាអង់គ្លេសបានល្អ ឬភាសាផ្សេងៗទៀត
  • អាចប្រើប្រាស់កុំព្យូទ័របាន

4. ម៉ោង និងពេលធ្វើការ:

  • ថ្ងៃច័ន្ទ ដល់ ថ្ងៃអាទិត្យ ឈប់សម្រាកមួយថ្ងៃក្នុងមួយសប្តាហ៍ៈ ពីម៉ោង 8:00 ព្រឹក ដល់ 12:00 ថ្ងៃត្រង់ និង ម៉ោង  ១:០០ រសៀល ដល់ ៥:០០ ល្ងាច
  • ម៉ោងសម្រាកអាហារ: ម៉ោង ១២:០០​ថ្ងៃត្រង់ ដល់ ម៉ោង ១:០០រសៀល

5. កន្លែងការងារ:

ប្រធានក្រុមលក់ ធ្វើការនៅការិយាល័យ ភីអេច ហ្រេ្គនហល ស្ថិតក្នុងនាយកដ្ឋានលក់។

6. ទំនាក់ទំនងការងារ

ប្រធានក្រុមលក់ ស្ថិតក្រោមការងារគ្រប់គ្រង និងរាយការណ៍ការងារជូនទៅប្រធានផ្នែកប្រតិបត្តិជាន់ខ្ពស់។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត (4×6) រួមទាំងឯកសារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖