Business Unit: ភីអេច អ៊ីនវេសមិន

1. វិសាលភាពការងារ:

ប្រធានក្រុមប្រតិបត្តិ មានទំនួលខុសត្រូវក្នុងការត្រួតពិនិត្យមើលលើប្រតិបត្តិការរបស់កម្មវិធីទាំងមូល ដើម្បីធានាថារាល់ស្តង់ដារសេវាកម្ម គោលការណ៍ និងនីតិវិធីរបស់ផ្នែកប្រតិបត្តិ ត្រូវបានធ្វើឡើងស្របទៅតាមការកំណត់របស់ថ្នាក់គ្រប់គ្រង ដើម្បីរក្សា និងអភិវឌ្ឍកម្រិតសេវាកម្មល្អបំផុតដែលលើសពីការរំពឹងទុករបស់អតិថិជន។

2. កាតព្វកិច្ច និងទំនួលខុសត្រូវការងារ:

• រៀបចំ និងអនុវត្តស្តង់ដារសេវាកម្ម ដោយស្របតាមនីតិវិធីនៃប្រតិបត្តិការសេវាកម្មម្ហូបអាហារ និងភេសជ្ជៈដែលបានកំណត់។
• ធានាថារាល់តម្រូវការ និងការចង់បានរបស់អតិថិជនត្រូវបានផ្តល់ជូនយ៉ាងល្អឥតខ្ចោះ។
• សម្របសម្រួល និងដោះស្រាយរាល់បញ្ហាដែលកើតមានឡើងអោយបានឆាប់រហ័ស និងមានប្រសិទ្ធភាពខ្ពស់ ជូនដល់អតិថិជន និងក្រុមការងារទាំងអស់។
• ត្រួតពិនិត្យ និងបែងចែកទំនួលខុសត្រូវការងារទៅតាមមុខងារនៃតម្រូវការរបស់កម្មវិធីដល់ក្រុមការងារ ហើយប្រាកដថាការរៀបចំ គឺត្រូវបានអនុវត្តទៅតាមផែនការ និងពេលវេលាកំណត់។
• ធ្វើការបណ្តុះបណ្តាលក្រុមការងារ អោយយល់ដឹងអំពីដំណើរការ និងនីតិវិធីនៃប្រតិបត្តិការ និងការផ្តល់សេវាកម្មដែលលើសពីការរំពឹងទុកជូនអតិថិជន ប្រកបដោយភាពត្រឹមត្រូវ និងព័ត៌មានច្បាស់លាស់។
• ណែនាំ និងបង្ហាត់បង្ហាញដល់បុគ្គលិកសេវាកម្មទាំងអស់លើការរៀបចំ តុ កៅអី និងការកំណត់ទីកន្លែងសម្រាប់កម្មវិធីនីមួយៗ ដោយមានការត្រួតពិនិត្យមុខងារនៃការរៀបចំផ្សេងៗទាំងក្នុងអគារ និងសេវាកម្មខាងក្រៅ។
• ទទួលខុសត្រូវក្នុងការរៀបចំទីតាំងកម្មវិធី ប្រកបដោយភាពទាក់ទាញ និងមានភាពងាយស្រួលក្នុងការបង្ហាញ ឬផ្តល់ជូននូវមុខម្ហូបដល់អតិថិជន។
• ត្រួតពិនិត្យ និងប្រាដកថាចំនួននៃការប្រើប្រាស់ភេសជ្ជៈ  តុ ម្ហូបអាហារ និងសេវាកម្មផ្សេងៗ ត្រូវបានកត់ត្រា និងមានការចុះហត្ថលេខាទទួលស្គាល់ពីម្ចាស់កម្មវិធីច្បាស់លាស់ ដើម្បីប្រគល់ជូនផ្នែកបេឡា ក្នុងការគណនាចេញវិក័យបត្រជូនដល់អតិថិជន។
• ធានាថារាល់សម្ភារៈប្រើប្រាស់ គ្រៀងបរិក្ខារ និងសម្ភារៈផ្សេងៗសម្រាប់ការរៀបចំកម្មវិធីមានគ្រប់ចំនួនកំណត់ស្របតាមតម្រូវការរបស់កម្មវិធី។
• រៀបចំ និងសម្រប់សម្រួលលើការដឹកជញ្ជូនភេសជ្ជៈ ម្ហូបអាហារ និងសម្ភារៈផ្តត់ផ្គងផ្សេងៗសម្រាប់ប្រើប្រាស់ក្នុងការរៀបចំកម្មវិធីខាងក្រៅ មានគ្រប់គ្រាន់ និងទាន់ពេលវេលា។
• ការងារផ្សេងៗ ដែលថ្នាក់គ្រប់គ្រងផ្តល់អោយ។

3. លក្ខខណ្ឌ និងតម្រូវការការងារ:

• បរិញ្ញាបត្រផ្នែកគ្រប់គ្រងបដិសណ្ឋារកិច្ច ការគ្រប់គ្រងអាជីវកម្ម ឬជំនាញដែលពាក់ព័ន្ធផ្សេងទៀត
• មានបទពិសោធន៍ការងារចាប់ពី៤ឆ្នាំឡើងខាងផ្នែកប្រតិបត្តិសណ្ឋាគា ឬសាលអាគារការ
• ជំនាញកុំព្យូទ័រ កម្មវិធី Ms. Word, Excel និង Power Point
• ជំនាញក្នុងការគ្រប់គ្រងជម្លោះ ការដោះស្រាយបញ្ហា និងការចរចារ
• ការនិយាយស្តីល្អ ភាពជាអ្នកដឹកនាំ ស្មោះត្រង់ និងមានឆន្ទៈធ្វើការជាក្រុម
• មានជំនាញក្នុងការសរសេរ និងទំនាក់ទំនងជាភាសាអង់គ្លេស

4. ម៉ោង និងពេលធ្វើការ:

• ថ្ងៃច័ន្ទ ដល់ថ្ងៃអាទិត្យ ដោយមានការឈប់សម្រាក១ថ្ងៃក្នុងមួយសប្តាហ៍: ម៉ោង ៨ :០០ព្រឹក ដល់ម៉ោង ១២:០០​ថ្ងៃត្រង់ និងម៉ោង ១:០០រសៀល ដល់ម៉ោង៥:០០ល្ងាច
• ម៉ោងសម្រាក: ម៉ោង ១២:០០​ថ្ងៃត្រង់ ដល់ ម៉ោង ១:០០រសៀល

5. កន្លែងការងារ:

ប្រធានក្រុមប្រតិបត្តិ ធ្វើការនៅការិយាល័យ ភីអេច ហ្រេ្គនហល ស្ថិតក្នុងនាយកដ្ឋានប្រតិបត្តិ។

6. ទំនាក់ទំនងការងារ

ប្រធានក្រុមប្រតិបត្តិ ស្ថិតក្រោមការងារគ្រប់គ្រង និងរាយការណ៍ការងារជូនទៅប្រធានក្រុមប្រតិបត្តិជាន់ខ្ពស់។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត (4×6) រួមទាំងឯកសារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖

1. វិសាលភាពការងារ:

ជំនួយការអគ្គនាយិការង មានទំនួលខុសត្រូវក្នុងការបំពេញការងាររដ្ឋបាលជាច្រើន ដើម្បីកាត់បន្ថយការងារសម្រាប់អគ្គនាយិការង ដោយរួមបញ្ចូលទាំងការសម្របសម្រួល និងការអនុវត្តនីតិវិធីការិយាល័យ។ ការងារភាគច្រើនពាក់ព័ន្ធនឹងការទំនាក់ទំនងជាលាយលក្ខណ៍អក្សរ និងផ្ទាល់មាត់។ បន្ថែមពីលើនេះ ជំនួយការអគ្គនាយិការងអាចនឹងត្រូវពិនិត្យលើរបាយការណ៍មួយចំនួនសម្រាប់អគ្គនាយិការង ក៏ដូចជាអនុវត្តភារកិច្ចពាក់ព័ន្ធដូចដែលបានត្រួតពិនិត្យ។

2. កាតព្វកិច្ច និងទំនួលខុសត្រូវការងារ:

• ពិនិត្យលើរបាយការណ៍ និងកិច្ចព្រមព្រៀងមួយចំនួន ដែលកំណត់ដោយអគ្គនាយិការង ដើម្បីធានាបាននូវភាពត្រឹមត្រូវ ក៏ដូចជាការអនុលោមតាមគោលការណ៍របស់ក្រុមហ៊ុន និងការកំណត់សិទ្ធិ។
• រៀបចំការធ្វើដំណើរសម្រាប់អគ្គនាយិការង រួមទាំងការកក់សំបុត្រយន្តហោះ សណ្ឋាគារ និងការដឹកជញ្ជូន។
• តំណាងអោយអគ្គនាយិការងក្នុងការទំនាក់ទំនង​ និងឆ្លើយតបរាល់ព័ត៌មានផ្សេងៗជាមួយដៃគូខាងក្រៅ។
• ទំនាក់ទំនងជាមួយបុគ្គលិកនៅក្នុងនាយកដ្ឋានផ្សេងៗ ដើម្បីរៀបចំរបាយការណ៍សម្រាប់អគ្គនាយិការង និងសម្របសម្រួលការទំនាក់ទំនងជាមួយដៃគូពាក់ព័ន្ធខាងក្រៅ។
• រៀបចំលិខិតប្រកាសព័ត៌មាន និងលិខិតផ្លូវការផ្សេងៗសម្រាប់អគ្គនាយិការង។
• បកប្រែឯកសារជាភាសាអង់គ្លេសទៅជាភាសាខ្មែរ និងបកប្រែជូនអគ្គនាយិការងប្រសិនបើចាំបាច់។
• រៀបចំទុកដាក់ឯកសារ និងគ្រប់គ្រងឯកសារសម្ងាត់របស់អគ្គនាយិកា។
• គ្រប់គ្រងថវិកា ធ្វើវិក្កយបត្រ និងកត់ត្រាការចំណាយ។
• រៀបចំកិច្ចប្រជុំ ធ្វើកំណត់ហេតុ និងផ្សព្វផ្សាយដល់ផ្នែកពាក់ព័ន្ធ។
• កត់ត្រាកាលវិភាគប្រជុំ និងការអញ្ជើញទាំងអស់របស់អគ្គនាយិការងក្នុងប្រតិទិន ហើយជូនដំណឹងមុនពេលវេលាកំណត់សម្រាប់កាលវិភាគនីមួយៗ ។
• ការងារផ្សេងៗ ដែលថ្នាក់គ្រប់គ្រងផ្តល់អោយ។

3. លក្ខខណ្ឌ និងតម្រូវការការងារ:

• បញ្ចប់បរិញ្ញាបត្រផ្នែកគ្រប់គ្រងពាណិជ្ជកម្ម ទំនាក់ទំនងសាធារណៈ  និងជំនាញពាក់ព័ន្ធផ្សេងទៀត
• មានបទពិសោធន៍ចាប់ពី៣ឆ្នាំឡើងទៅក្នុងនាមជាលេខា ឬជំនួយការអគ្គនាយក
• មានបុគ្គលិកលក្ខណៈល្អ និងរួសរាយរាក់ទាក់
• ជំនាញក្នុងការទំនាក់ទំនង ការរៀបចំខ្លួន និងការចរចា
• អាចប្រើប្រាស់ភាសាអង់គ្លេសបានល្អ ឬភាសាផ្សេងៗទៀត
• អាចប្រើប្រាស់កុំព្យូទ័របាន

4. ម៉ោង និងពេលធ្វើការ:

• ថ្ងៃច័ន្ទ ដល់ថ្ងៃសៅរ៏ (ព្រឹក): ម៉ោង ៨ :០០ព្រឹក ដល់ម៉ោង ១២:០០​ថ្ងៃត្រង់ និង ម៉ោង ១:០០រសៀល ដល់ម៉ោង៥:០០ល្ងាច
• ម៉ោងសម្រាក: ម៉ោង ១២:០០​ថ្ងៃត្រង់ ដល់ ម៉ោង ១:០០រសៀល

5. កន្លែងការងារ:

ជំនួយការអគ្គនាយិការង ធ្វើការនៅការិយាល័យ ប៉េង ហួត គ្រុប ស្ថិតក្នុងនាយកដ្ឋានលេខា/ជំនួយការថ្នាក់ដឹកនាំជាន់ខ្ពស់។

6. ទំនាក់ទំនងការងារ

ជំនួយការអគ្គនាយិការង ស្ថិតក្រោមការងារគ្រប់គ្រង និងរាយការណ៍ការងារជូនទៅអគ្គនាយិការង។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត (4×6) រួមទាំងឯកសារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖

1. វិសាលភាពការងារ:

ប្រធានក្រុមលក់ មានតួនាទីក្នុងការដឹកនាំ និងត្រួតពិនិត្យបុគ្គលិកដែលចូលរួមក្នុងការលក់ ហើយតាមដានរាល់សកម្មភាពក្នុងការលក់ ដើម្បីធានាថាអតិថិជនពេញចិត្តលើការរៀបចំ និងសេវាកម្មរបស់សាលសន្និបាត ភីអេច ហ្រេ្គន ដែលលើសពីការរំពឹងទុកទាំងមុខ និងក្រោយកម្មវិធី។

2. កាតព្វកិច្ច និងទំនួលខុសត្រូវការងារ:

• រៀបចំផែនការយុទ្ធសាស្រ្តលក់ ដើម្បីជម្រុញចំណូលក់របស់សាលសន្និបាត ភីអេច ហ្រេ្គនហល
• ដឹកនាំក្រុមការងារផ្នែកលក់ ដើម្បីរៀបចំសកម្មលក់ និងការបង្កើតទំនាក់ទំនាក់ទំនងយូរអង្វែងជាមួយអតិថិជន ដោយផ្អែកលើការផ្តល់នូវសេវាកម្ម និងតម្លៃណាមួយដែលសមស្របនឹងតម្រូវការរបស់អតិថិជន
• រក្សាទំនាក់ទំនង និងធ្វើជាគំរូដោយប្រកាន់ភ្ជាប់នូវអាកប្បកិរិយាប្រកបដោយវិជ្ជាជីវៈ ទាំងការរៀបចំខ្លួន ការនិយាយ និងភាពរួសរាយរាក់ទាក់ជាមួយអតិថិជន ក្រុមការងារ និងផ្នែកពាក់ព័ន្ធ ដោយមានការឆ្លើយតបទាន់ពេលវេលារាល់តំរូវការរបស់អតិថិជន និងផ្នែកពាក់ព័ន្ធ
• សហការជាមួយថ្នាក់គ្រប់គ្រងក្នុងការរៀបចំ និងកំណត់នូវប្រភពប្រាក់ចំណូល អតិថិជនគោលដៅ និងចំណែកទីផ្សារសម្រាប់ការលក់នូវផលិតផលរបស់ក្រុមហ៊ុន
• គ្រប់គ្រង និងបណ្តុះបណ្តាលបុគ្គលិកផ្នែកលក់ ដើម្បីធានាបាននូវប្រាក់ចំណូលលក់អតិបរមា ការផ្សព្វផ្សាយទៅកាន់អតិថិជន និងការប្រកួតប្រជែងលើទីផ្សារ
• ធានាថាគ្រប់បុគ្គលិកលក់ទាំងអស់បានយល់ដឹងអំពីយុទ្ធសាស្រ្តនៃការលក់ និងអនុវត្តប្រកបដោយប្រសិទ្ធភាពខ្ពស់
• ធ្វើការវិភាគ និងជម្រុញលើការចូលរួមរបស់សាលសន្និបាត ភីអេច ហ្រេ្គនហលនៅក្នុងបណ្តាញលក់ផ្សេងៗ ការធ្វើទីផ្សារ និងការកក់កម្មវិធីតាមរយៈប្រព័ន្ធអេឡិចត្រូនិច
• ធ្វើបច្ចុប្បន្នភាព និងតាមដានរាល់ប្រតិបត្តិការលក់ប្រចាំថ្ងៃ ដើម្បីស្វែងរកនូវកង្វះខាត និងការដោះស្រាយភ្លាមៗស្របតាមនីតិវីធីលក់របស់ក្រុមហ៊ុន
• ធ្វើការសហការ និងរក្សានូវទំនាក់ទំនងល្អជាមួយអាជ្ញាធរ និងវិស័យឯកជន ដើម្បីជាកិច្ចសហការក្នុងការផ្តល់ជូននូវលក្ខខណ្ឌពិសេសៗ សម្រាប់ដំណើរការនៃការរៀបចំកម្មវិធីផ្សេងៗដែលអាចកើតមានក្នុងកំឡុងពេលខែមិនសូវមានប្រារព្ធកម្មវិធី
• ត្រួតពិនិត្យលើកិច្ចសន្យាជួល របាយការណ៍មុខងារនៃកម្មកម្មវិធី និងរបាយការណ៍លក់ផ្សេងៗ
• ការងារផ្សេងៗទៀតដែលចាត់ចែងដោយអ្នកគ្រប់គ្រង។

3. លក្ខខណ្ឌ និងតម្រូវការការងារ:

• បញ្ចប់បរិញ្ញាបត្រផ្នែកគ្រប់គ្រងពាណិជ្ជកម្ម ,ទីផ្សារ, សណ្ឋាគារ, និងការគ្រប់គ្រងភោជនីយដ្ឋាន
• មានបទពិសោធន៍ចាប់ពី4ឆ្នាំឡើងទៅក្នុងផ្នែកលក់ ឬផ្នែកដែលពាក់ព័ន្ធ។
• មានជំនាញក្នុងការលក់ជាកញ្ចប់សេវាកម្ម Banquet បត់បែន និងមានភាពស្មោះត្រង់
• ជំនាញក្នុងការទំនាក់ទំនង ការរៀបចំខ្លួន និងការចរចា
• ភាពជាអ្នកដឹកនាំ ការសហការជាក្រុម និងការបើកចិត្តិទូលាយ
• អាចប្រើប្រាស់ភាសាអង់គ្លេសបានល្អ ឬភាសាផ្សេងៗទៀត
• អាចប្រើប្រាស់កុំព្យូទ័របាន

4. ម៉ោង និងពេលធ្វើការ:

• ថ្ងៃច័ន្ទ ដល់ ថ្ងៃអាទិត្យ ឈប់សម្រាកមួយថ្ងៃក្នុងមួយសប្តាហ៍ៈ ពីម៉ោង 8:00 ព្រឹក ដល់ 12:00 ថ្ងៃត្រង់ និង ម៉ោង  ១:០០ រសៀល ដល់ ៥:០០ ល្ងាច
• ម៉ោងសម្រាកអាហារ: ម៉ោង ១២:០០​ថ្ងៃត្រង់ ដល់ ម៉ោង ១:០០រសៀល

5. កន្លែងការងារ:

ប្រធានក្រុមលក់ ធ្វើការនៅការិយាល័យ ភីអេច ហ្រេ្គនហល ស្ថិតក្នុងនាយកដ្ឋានលក់។

6. ទំនាក់ទំនងការងារ

ប្រធានក្រុមលក់ ស្ថិតក្រោមការងារគ្រប់គ្រង និងរាយការណ៍ការងារជូនទៅប្រធានផ្នែកប្រតិបត្តិជាន់ខ្ពស់។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត (4×6) រួមទាំងឯកសារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖

1. វិសាលភាពការងារ

បុគ្គលិកទីផ្សារមានទំនួលខុសត្រូវក្នុងការគាំទ្ររាល់យុទ្ធនាការ និងសកម្មភាពទីផ្សារផ្សេងៗពីថ្នាក់គ្រប់គ្រងដូចជា រៀបចំការផ្សាយពាណិជ្ជកម្ម ផ្សព្វផ្សាយព្រឹត្តិការណ៍ពិសេសៗ និងកម្មវិធីផ្សេងៗទៀតដែលទាក់ទងនឹងការអនុវត្តម៉ាកយីហោក្នុងកិច្ចខិតខំប្រឹងប្រែងដើម្បីសម្រេចបាននូវគោលដៅ និងផែនការរបស់ក្រុមហ៊ុន។

2. កាតព្វកិច្ច និងទំនួលខុសត្រូវការងារ

• សម្របសម្រួល និងគ្រប់គ្រងលើប្រតិបត្តិការការងាររបស់ផ្នែកទីផ្សារ
• រៀបចំផែនការផ្សព្វផ្សាយ និងយុទ្ធនាការទីផ្សារតាមប្រព័ន្ធទំនាក់ទំនងសង្គមដែលជាអាទិភាព
• ចូលរួមចំណែកក្នុងការអនុវត្តយុទ្ធសាស្រ្តទីផ្សារដែលបានកំណត់ដោយថ្នាក់គ្រប់គ្រង
• រៀបចំ និងចូលរួមរាល់សកម្មភាពទីផ្សារ ឬព្រឹត្តិការណ៍នានា ដើម្បីបង្កើនការយល់ដឹងអំពីម៉ាកយីហោ
• ទំនាក់ទំនងជាមួយភាគីពាក់ព័ន្ធ និងផ្នែកលក់ ដើម្បីជម្រុញការលក់អោយបានជោគជ័យ
• រៀបចំមាតិកាសម្រាប់ការអនុវត្តការងារទីផ្សារ និងត្រួតពិនិត្យដំណើរអោយមានប្រសិទ្ធភាព
• ដោះស្រាយរាល់ការងារផ្សព្វផ្សាយដោយត្រួតពិនិត្យមើលលើខ្លឹមសារ និងការចែករំលែកក្នុងប្រព័ន្ធទំនាក់ទំនងសង្គមទាំងអស់
• ធ្វើការយ៉ាងជិតស្និទ្ធជាមួយក្រសួងនានា​ និងស្ថាប័នពាក់ព័ន្ធ ដើម្បីទទួលបានព័ត៌មានរួម និងការយល់ដឹងផ្សេងៗ
• រៀបចំរបាយការណ៍លទ្ធផលការងារក្រោយយុទ្ធនាការផ្សព្វផ្សាយត្រូវបានបញ្ចប់
• ធ្វើការស្រាវជ្រាវទីផ្សារ និងយុទ្ធនាចុះដោយផ្ទាល់ដើម្បីកំណត់ឱកាសសម្រាប់ការលើកកម្ពស់ និងកំណើនទីផ្សារ
• សហការជាមួយថ្នាក់គ្រប់គ្រង និងក្រុមការងារក្នុងការជួយរៀបចំគម្រោងថវិកា និងការគ្រប់គ្រងចំណាយ
• ការងារផ្សេងៗទៀតដែលចាត់តាំងដោយថ្នាក់គ្រប់គ្រង

3. លក្ខខណ្ឌ​ និងតម្រូវការការងារ

• បញ្ចប់បរិញ្ញាបត្រ ផ្នែកគ្រប់គ្រងទីផ្សារ, គ្រប់គ្រងពាណិជ្ជកម្ម, និងការផ្សព្វផ្សាយ
• មានបទពិសោធន៍ចាប់ពី៣ឆ្នាំឡើងទៅក្នុងផ្នែកទីផ្សារ ឬជំនាញដែលពាក់ព័ន្ធ
• ជំនាញក្នុងការប្រើប្រាស់កុំព្យូទ័រលើកម្មវិធី Microsoft Office, AI and photoshop
• ជំនាញក្នុងការវិភាគ និងរៀបចំយុទ្ធសាស្រ្តទីផ្សារ
• ជំនាញក្នុងការរៀបចំខ្លួន ភាពបត់បែន និងរួសរាយ
• ជំនាញក្នុងការទំនាក់ទំនងល្អ ភាពជាអ្នកដឹកនាំ ស្មោះត្រង់ និងសហការជាក្រុម
• អាចបត់បែនលើម៉ោងពេលធ្វើការ និងអាចធ្វើការបានច្រើន

4. ម៉ោង និងពេលធ្វើការ

• ថ្ងៃច័ន្ទ ដល់ថ្ងៃសៅរ៏ (ព្រឹក): ម៉ោង ៨ :០០ព្រឹក ដល់ម៉ោង ១២:០០ថ្ងៃត្រង់ និង ម៉ោង ១:០០រសៀល ដល់ម៉ោង៥:០០ល្ងាច
• ម៉ោងសម្រាក: ម៉ោង ១២:០០ថ្ងៃត្រង់ ដល់ ម៉ោង ១:០០រសៀល

5. កន្លែងការងារ

• បុគ្គលិកទីផ្សារ ធ្វើការនៅការិយាល័យកណ្តាល ប៉េង ហួត គ្រុប ស្ថិតក្នុងនាយកដ្ឋានទីផ្សារ។

6. ទំនាក់ទំនងការងារ

• បុគ្គលិកទីផ្សារ ស្ថិតក្រោមការងារគ្រប់គ្រង និងរាយការណ៍ការងារជូនទៅប្រធានក្រុមទីផ្សារ។

បេក្ខជនដែលមានចំណាប់អាម្មណ៍ អាចដាក់ពាក្យចូលបម្រើការងារដោយបញ្ជាក់អំពីតួនាទី និងភ្ជាប់ជាមួយរូបថត      (4×6) រួមទាំងអស់សារពាក់ព័ន្ធផ្សេងៗ មកការិយាល័យ ប៉េង ហួត គ្រុប តាមអាសយដ្ឋានខាងក្រោម៖