ផ្សារទំនើប ភីអេច ដាយមិនផ្លេស(​PH Diamond Place) គឺជាអាជីវកម្មផ្សារទំនើបមួយរបស់ ក្រុមហ៊ុន​ ភី​​អេច រីថេល ស្ថិតក្រោម ក្រុមហ៊ុន ប៉េង ហួត គ្រុប​។ ផ្សារទំនើប ភីអេច ដាយមិនផ្លេស (​PH Diamond Place) គឺជា​កន្លែងទិញទំនិញដ៏ប្រណិត មជ្ឈមណ្ឌលកម្សាន្ត និង​មានភោជនីយដ្ឋានដ៏សំបូរបែប។ ភីអេច ដាយមិនផ្លេស (​PH Diamond Place) នឹងបង្ហាញខ្លួនឡើងជាទីកន្លែងដែលក្រុមគ្រួសារ និង​មិត្តភក្តិ ជួបជុំ លំហែកម្សាន្ត ព្រមទាំងបង្កើតនូវពេលវេលាល្អៗជាមួយគ្នា។ ផ្សារទំនើប ភីអេច ដាយមិនផ្លេស (​PH Diamond Place) លេចធ្លោឡើងប្រកបដោយភាពទំនើប និងទាន់សម័យ។​ គម្រោងនេះត្រូវបានរចនាឡើងជាទម្រង់ដុំពេជ្រ រំលេចនូវពន្លឺចែងចាំងល្អពិសេស​ ដែលបង្កប់នូវអត្ថន័យនៃភាពរស់រវើកដែលមានក្នុងផ្សារទាំងមូល។

ផ្សារទំនើប ភី​អេច អេកូម៉ល (PH Eco Mall) គឺជាអាជីវកម្មផ្សារទំនើបមួយរបស់​​ ក្រុមហ៊ុន ភី​​អេច រីថេល ស្ថិតក្រោម ក្រុមហ៊ុន ប៉េង ហួត គ្រុប​។ ការរចនានៃគម្រោងនេះមានលក្ខណៈបែបខ្មែរ​ និងការសាងសង់ឡើងប្រកបដោយមេត្រីភាពបរិស្ថាន ព្រមទាំង​រួមបញ្ចូលនូវ មរតកជាតិ និងភាពទំនើបទាន់សម័យ ដែលផ្តល់ជូននូវបទពិសោធន៍អាជីវកម្មមិនធ្លាប់មានពីមុនមក។ ភី​អេច អេកូម៉ល (PH Eco Mall) បានបង្ហាញនូវភាពលេចធ្លោ ជាមួយនឹងការរចនាប្រកបដោយមោទនភាព ដែលបានឆ្លុះបញ្ចាំងពី បឹងទន្លេសាប ខេត្តបាត់ដំបង ទនេ្លមេគង្គ (កន្លែងទិញទំនិញខាងក្រៅ) អង្រុត (កន្លែងទិញទំនិញខាងក្នុង) បរិបថនៃការរស់នៅតាមបែបជនបទ(ភូមិ) និង​ល្ខោនស្បែកធំ (តំបន់ទិញទំនិញ)។​

យូរ៉ូផាក (Euro Park) គឺជាអាជីវកម្មមួយរបស់ ភី​​អេច រីថេល ស្ថិតក្រោម ក្រុមហ៊ុន ប៉េង ហួត គ្រុប​។​ វាគឺជាឧទ្យានបែបអឺរ៉ុប និងជាកន្លែងកម្សាន្តដំបូងគេបង្អស់នៅកម្ពុជាដែលលាតសន្ធឹងលើផ្ទៃដីជាង ៤ហិចតា ស្ថិតនៅក្នុងគម្រោងហ្គ្រេនស្តាផ្លាទីនីម​ (Grand Star Platinum) ។​ ភាពច្នៃប្រឌិតទាំងផ្នែកខាងក្នុង និងក្រៅអគារនីមួយៗនៃគម្រោងនេះបានផ្តល់ជូននូវបរិយាកាសកម្សាន្តមួយប្លែក និងមានលក្ខណៈ​បែបអឺរ៉ុប។ គម្រោងនេះត្រូវបានបែងចែកតាមតំបន់នៃបណ្តាប្រទេសល្បីៗក្នុងទ្វីបអឺរ៉ុប ដែលលាតសន្ធឹងតាមដងទន្លេតូចមួយ និងរុក្ខវិថីដែលមានរាងជាចំណិតព្រះច័ន្ទ ជួបគ្នាត្រង់ចំនុចប្រសព្វដ៏សំខាន់នៃគម្រោងអភិវឌ្ឍនេះ និងតភ្ជាប់ ឆ្ពោះទៅកាន់សាលដ៏ធំអស្ចារ្យនៃអគារសន្និបាតផងដែរ។

ក្រុមហ៊ុន ប៉េង ហួត គ្រុប បានកំណត់នូវបរិយាកាសថ្មីសម្រាប់អ្នករស់នៅក្នុងគម្រោងតាមរយៈការផ្តល់ជូននូវភាពងាយស្រួលជាមួយនឹងអាជីវកម្មគ្រប់ប្រភេទ និងក្លឹបហាត់ប្រាណនានា។ ភីអេច រី​ថេល (រួមមាន​គម្រោង ភីអេច បូឡារីស​ អេហ្វ&ប៊ី (PH Polaris F&B) ភី​អេច​ ​ប៉ូឡារីស ហ្សប ​(PH Polaris Shop) ក្លឹបហាត់ប្រាណ និងគម្រោងដទៃទៀត) ដែលត្រូវបានបង្កើតឡើងសម្រាប់អាជីវកម្មគ្រប់ប្រភេទ ដូចជាស៊ូភើម៉ាឃីត​​ (Supermarket), ហាងទំនិញដែលផ្តល់លក្ខណៈងាយស្រួល, ភោជនីយដ្ឋានក្នុងគម្រោង អេហ្វ&ប៊ី (F&B) និងមណ្ឌលថែទាំកុមារ​ទាំងអស់នេះត្រូវបានបង្កើតឡើងដើម្បីបំពេញតម្រូវការរបស់អាជីវករ និងអ្នករស់នៅ។